ا


    لسعاده وجبه متكامله لايلذ لك طعمها إلا إذا شاركك فى تناولها إنسان تعزه....(( وان

    شاطر
    avatar
    hamidnayer
    v i p
    v i p

    عدد الرسائل : 3
    تاريخ التسجيل : 08/10/2011

    لسعاده وجبه متكامله لايلذ لك طعمها إلا إذا شاركك فى تناولها إنسان تعزه....(( وان

    مُساهمة من طرف hamidnayer في الخميس 13 أكتوبر - 19:39

    [color=darkblue]لسعاده وجبه متكامله لايلذ لك طعمها إلا إذا شاركك فى تناولها إنسان تعزه
    ----------------------------------------------------------------------------------
    وانت العزيز صديقي مله كردفان وعموم بواطن اهل السودان ولقد وجدت عندك السعاده بهذا المنتدى الانيق الذي يشابه صحبه ومؤسسه الانيق
    ومادام في صفحة للتعارف فهذا كتابي سبق ان قلته في عكس الريح

    : الاسم حامد مخمد عمر ناير
    : من ابناء شرق السودان قبائل البني عامر مراتعهم جنوب ولايه البحر الاحمر بورتوسدان الثغر الباسم حيث قال شاعرنا بازرعه امد الله في عمره والبسه ثوب العافيه...-حيث جادت قريحته(( يارؤى البحر اشهدي هاهنا كان موعدي وهنا كان مقعدي...ودي من عندي بازرعه ماقالا ( وهنا كان مولدي...وانا والنجم والمسى بازرعه/ عثمان حسين/ حامد ناير تحديدا جنوب طوكر ومن قوم ونفر ردد الدهر حسن سيرتهم مابها حطة ولادرن( ومن ذات القوم اذا ضحكوا كثيرا استغفروا ربهم اكثر وكثيرا
    سليل اسرة موسره ومؤثره والحمدلله وانا ( استغفر الله ) وانا لاهلي واحبائي واصدقائي اسيل رهافة ونفاسة وابا واخا اتدفق رقه حنانا وتحنانا يعيش كل اهلي واصدقايى على كتفي وفي كنفي وقد اسع منهم باخلاقي مالم اسعهم بمالي واسع الصدر لم ارفث او انفث ماقيل لي اسف الا اسفت وماعوتبت الا واعتذرت وكشجرة الرطب مارجمت الا واجابت باطيب الرطب ولكني اكون نعله حاضره ولكل من يتجاوز حدودو ويطلع برا مواعينو انا ليهو عقرب وكل من استبطنه الشيطان وعاث فسوقا في القول وخالط ذاك الفسوق اللحم والدم والعصب والمسامع والاطراف والاعضاء والشغاف ثم امضى الى المخاخ والاصماخ ثم ارتفع وعشعش ثم باض وفرخ فحشاهو شرا واعوج لسانه انا له كالحجاج بن يوسف الثقفي كما فعل في اهل العراق وانا انسان واضح كلما بان على سطح سرائري وهو كل ماغاب في جوف سريرتي وكالنسيم واللحن الصبوح واللحن احلى واصفى عندما مايكون في ثمالة خفوته
    متزوج واب لاربعه ابناء يسدون عين الشمس ماشاء الله والحمدلله ومضرب المثل في مخالقاتهم للناس وحسن السلوك والحمدلله تحرجو من الجامعات اثنتين منهم حاليا يديرون معي مكتب الحليص واختهم وحيدتي وجدان الرائعه حبيبة ابيها نفسو وروحو كيف لها هذا وامهاالمهره اللتي تغنوا واطنبوا في الغناء لها يابت ملوك النيل يابت عز الرجال اهل الدروع والخيل...والجبرة فيكي بتخيل....الى نهاية القصيد

    سليلة وحفيدة من وقف عندها ومعها الجمال تاجوج بت الشيخ علي ود هاكين وياجمال اقيف قبلك ماتعدي منتهى الجمال وخلاص مافي جمال تاني من بعد ك وبس وكانت تاجوج كل الجمال وكل الجمال كان تاجوج وكأني استرق السمع اليها وهي تقول احلاكم واتحداكم اطمني ياتاجوج ماشفنا اجمل منك
    انا بؤمن بنظرية غطي قدحك نظريه سليمه جدا فهي ابنة عمي نشأنا واتربينا في حوش واحد وربيتها على طاعتي ليست قسرا ولم افرض نفسي عليها فأتتني طائعه طيعه مختاره وانما باالحب المرشد النزيه الطاهر بكل ماتحمل تلك الكلمات من معاني عشنا قصه حب صنعنا الحب (( وماقالت لي ماتقولي نحن انتهينا...نحن في عز الشباب وكنا في ماضينا قوة تتحدى الصعاب ولازلنا مثل اخونا سيف الدسوقي متعه الله بالصحه والعافيةنعم صنعنا الحب الحب جانا ماجرينا وراهو اتى الينا الحب هرولة وكانت قصه حب جميلة ولازالت... والحب يجي كدا استفيدوا من تجربتنا
    المهنه قلتها ليكم...طيب
    عميد شرطه جمارك مدير جمارك الميناء الجنوبي الحاويات يليهى مدير جمارك الميناء الشمالي
    بورتسودان حاليا احلت الى المعاش والحمدلله قسرا لانني لم انحني للعاصفه
    اها العمر قلناهو..ضروري يعني طيب نقولو
    عشت واحببت وحاضنت الاربعين والان في احضان الخمسين وبغازل في الستين
    طيب العنوان وتجونا كيف
    المكتب شمال السجن الكبيرمواحه لمكتب وزارة التجاره وخلف عماره باعبود
    ودي التلفونات
    موبايل : 0912310710------0122820205
    المنزل: حي المطار مربع 20 منزل رقم 308
    التعليم اخر حاجه كليه الشرطه والمعاهد معاها شوية ثقافه متواضعه تعلمتها من واقع الحياة
    اها تاني في حاجه نسيناها...وبس خلاص

    سبحانك ربي رب العزه عما يصفون وسلام على المرسلين والحمدلله رب العالمين واستغفر الله العظيم لي ولكم فأستغفروه





    _________________
    آمنت بيك يا ناير
    لانو مافى مثالك
    انا حكمي لو كان جاير
    حكم سواى في جمالك
    للناس عقول وبصائر
    انت الجميل ومدلل
    وأنا قلبي ليك اتذلل
    avatar
    ملهم كردفان
    SiteAdmin
    SiteAdmin

    ذكر عدد الرسائل : 2225
    تاريخ التسجيل : 28/09/2007

    رد: لسعاده وجبه متكامله لايلذ لك طعمها إلا إذا شاركك فى تناولها إنسان تعزه....(( وان

    مُساهمة من طرف ملهم كردفان في الجمعة 14 أكتوبر - 10:25

    أهلا وسهلا ومرحب بقدر ماتشتهى نفسك ياسيد حامد ناير
    وسيره شخصيه ثره ومقدره ....بلاشك
    ........
    زى ماقلت ليك قبل كده ياحبيبنا ..إنت كاتب صحفى خطير والله
    يعنى لمن تمسك موضوع أو فرد من المجتمع بتديهو حقو كامل شامل
    وما روح الصحف إلا مثل هذه الكتابات النبيله
    ........
    إحترامى


    _________________
    السعاده وجبه متكامله لايلذ لك طعمها إلا إذا شاركك فى تناولها إنسان تعزه
    _______________
    القلب الابيض لابشيل جواهو سواد لابيعرف يسكت وقت قولة حق
    للإتصال بالإداره ...
    تليفون 00201095810923 [ندعوك للتسجيل في المنتدى أو التعريف بنفسك لمعاينة هذا الرابط]

    avatar
    محمد ادم
    فارس جديد

    ذكر عدد الرسائل : 76
    الموقع : بين قلوب الغلابه
    العمل/الترفيه : هايم في بلاد الله
    المزاج : هادددددي جد
    تاريخ التسجيل : 03/05/2009

    رد: لسعاده وجبه متكامله لايلذ لك طعمها إلا إذا شاركك فى تناولها إنسان تعزه....(( وان

    مُساهمة من طرف محمد ادم في الأحد 16 أكتوبر - 0:52

    عزيزي ود نايرلك الاف التحيه
    وكل عام وانت بالف بخير وكل الاحباب
    ومزيدا من الابداع
    وتحياتي

      الوقت/التاريخ الآن هو الأربعاء 18 أكتوبر - 3:03